Pas akuzave që Edi Rama ka drejtuar sot nga Shkodra për kryebashkiaken Voltana Ademi, ka reaguar edhe kreu i PD-së, Lulzim Basha. Nëpërmjet një statusi në Facebook, Basha ka thënë se Voltana e bën nervoz Ramën, sepse ajo i kujton se gjysmat e kryetarëve socialistë të bashkive i ka përdhunues, trafikantë dhe kriminelë. “Voltana Ademi është një zonjë grua që punon dhe përpiqet për Shkodrën edhe pse Edi Rama e ka lënë Shkodrën pa fonde dhe pa mbështetje si hakmarrje politike ndaj saj.
Edi Rama e sulmoi sot Voltanën, për të disatën herë, sepse Voltana e bën nervoz. E bën nervoz Edi Ramën sepse ajo i kujton që gjysmat e kryetarëve socialistë të bashkive i ka përdhunues, trañkantë dhe kriminelë gjithfarësojesh nga Elvis Rroshi tek Adriatik Zotkaj. Voltana e bën nervoz Edi Ramën sepse ajo i kujton atij se Shkodrës i vuri deputet një hajdut të pangopur si Ilir Beqja. Edi Ramën e bën nervoz Shkodra, e bën nervoz e gjithë Shqipëria sepse nuk i gënjen dot më me fasadat dhe premtimet mashtruese dhe as nuk i tremb dot më me të“.
